Mae dynes wedi marw yn dilyn tân mewn eiddo yn Llandudno.

Cafodd Gwasanaeth Tân ac Achub Gogledd Cymru ei alw i'r eiddo ar Ffordd y Brenin am 10.59 o'r gloch heddiw, fore Gwener, 9 Chwefror wedi iddyn nhw dderbyn adroddiad o dân.

Mynychodd dau beiriant o Landudno, dau beiriant o Fae Colwyn a Phlatfform Ysgol Uchel o'r Rhyl y digwyddiad, ynghyd â swyddogion tân sy'n cynnal ymchwiliad ar y cyd gyda Heddlu Gogledd Cymru.

Dywedodd Paul Jenkinson o Wasanaeth Tân ac Achub Gogledd Cymru: "Mae ein cydymdeimladau dwysaf yn cael ei estyn i'r teulu a'r ffrindiau ar yr adeg anodd hon.

"Nid yw achos y tân wedi'i gadarnhau eto ac mae bellach yn destun ymchwiliad ar y cyd."