Cynllun Archwilio 2020
PWRPAS YR ADRODDIAD
Cyflwyno, i’r Aelodau, gynllun archwilio 2020 ar gyfer Awdurdod Tân ac Achub Gogledd Cymru fel sydd yn atodiad 1.
CRYNODEB GWEITHREDOL
Mae’r cynllun archwilio yn nodi gwaith arfaethedig Swyddfa Archwilio Cymru ar gyfer y flwyddyn i ddod, yn ogystal â’i ffi.
ARGYMHELLIAD
Gofynnir i’r Aelodau nodi’r wybodaeth sy’n cael ei darparu.
CEFNDIR
Mae’r cynllun archwilio yn nodi’r gwaith arfaethedig, a’i gost. Amcan Archwilydd Cyffredinol Cymru yw cynnal archwiliad a chyflawni ei rwymedigaethau o dan Ddeddf Archwilio Cyhoeddus (Cymru) 2004, Mesur Llywodraeth Leol (Cymru) 2009, Deddf Llesiant Cenedlaethau’r Dyfodol (Cymru) 2015, Deddf Llywodraeth Leol 1999 a’r Cod Ymarfer Archwilio.
SYLWADAU GAN Y PANEL GWEITHREDOL/PWYLLGOR ARCHWILIO
Nid yw’r adroddiad wedi cael ei ystyried yn flaenorol.
GWYBODAETH
Bydd Swyddfa Archwilio Cymru yn gwneud y gwaith canlynol:
- gwaith cyfrifon ariannol, gan gynnwys adroddiad archwilio datganiadau ariannol a barn ar ddatganiadau ariannol;
- gwaith perfformiad, gan gynnwys archwilio ac asesu gweithgarwch gwella gan gynnwys archwilio’r modd y cynllunnir ar gyfer gwella, archwiliad o gyfraniad yr Awdurdod i ofynion y Ddeddf Llesiant Cenedlaethau’r Dyfodol (Cymru) 2015;
- archwiliadau o’r cynllun gwella , yr egwyddor datblygu cynaliadwy mewn perthynas ag amcanion llesiant yr Awdurdod, ac archwiliadau lleol a chenedlaethol sydd heb gael eu cadarnhau eto.
£60,309 yw’r ffi a amcangyfrifir ac a nodir yn y cynllun archwilio. Fodd bynnag, os gwelir bod angen gwaith ychwanegol, mae’n bosibl y bydd ffi ychwanegol.
GOBLYGIADAU
|
Amcanion Llesiant |
Hwyluso gwasanaethau tân ac achub mwy integredig sydd o ansawdd uchel ac yn ymatebol fel bod gweithgareddau ataliol ac ymateb brys yn gallu parhau i fod ar gael pryd a lle mae eu hangen, ac hynny’n fforddiadwy, yn deg ac ar sail risg |
|
Cyllideb |
£60,309 o gost, ac mae darpariaeth yn y gyllideb ar gyfer hynny. |
|
Cyfreithiol |
Bydd y gwaith a gynigir gan Swyddfa Archwilio Cymru yn golygu asesiad gwrthrychol o gydymffurfiaeth â’r ddeddfwriaeth a’r codau a ganlyn.
Deddf Archwilio Cyhoeddus (Cymru) 2004 Mesur Llywodraeth Leol (Cymru) 2009 Deddf Llywodraeth Leol 1999 Cod Ymarfer Archwilio Deddf Llesiant Cenedlaethau’r Dyfodol (Cymru) 2015 |
|
Staffio |
Amser swyddogion Tân ac Achub a swyddogion Cyngor Bwrdeistref Sirol Conwy i weithio gyda Swyddfa Archwilio Cymru yn ystod yr archwiliadau. |
|
Cydraddoldeb/Hawliau Dynol/Y Gymraeg |
Dim |
|
Risgiau |
Petai archwiliadau ariannol ddim yn cael eu cynnal, ni fyddai gwallau neu hepgoriadau yn y cyfrifon yn cael eu canfod a gallai rhanddeiliaid gael darlun camarweiniol o’r gwariant. |