Bydd Gorsaf Dân Aberdyfi yn agor ei drysau i'r cyhoedd nos Iau, 16eg Awst, ac fe wahoddir trigolion lleol ac ymwelwyr i ddod draw i'r orsaf am noson o hwyl yn rhad ac am ddim.

Bydd y noson, sydd yn cychwyn am 6:30pm, yn cynnwys adloniant i blant megis castell bownsio a gêm 'gwlychu'r diffoddwr tân',  yn ogystal ag arddangosiadau gan ddiffoddwyr tân ac arddangosfa yn dangos peryglon rhoi dŵr ar sosbenni sglodion sydd ar dân.

Bydd ymwelwyr hefyd yn cael cyfle i gofrestru am archwiliad diogelwch tân yn y cartref am ddim, yn ogystal â derbyn cyngor diogelwch tân a chyfle i gael gweld y peiriannau tân yn yr orsaf.

Meddai Louis Hiatt, un o'r trefnwyr: "Hoffem weld cymaint o bobl â phosibl yn cefnogi eu gorsaf dân leol drwy ddod i'r noson agored.  Bydd gennym lawr o weithgareddau a digwyddiadau i ymwelwyr o bob oed.

"Mae mynediad am ddim ac mae croeso i bawb!"